衣著樸素被笑似校服 羅冠聰趁機呼籲：聖誕少花費
[2016.12.22] 發表
【明報專訊】香港眾志立法會議員羅冠聰作為立法會最年輕議員，平日去議會開會時打扮斯文，成日都係恤衫加冷衫，點知就被佢議員辦公室嘅職員笑佢著校服返工。
唔使襯衫慳時間
有圖有真相，阿聰喺facebook上載咗一幅由多張佢平日開會組合成嘅相，睇真啲阿聰又真係成日著恤衫加冷衫，披件外套，顏色離唔開白色、灰色、藍色同黑色。
阿聰就話自己係簡約主義，買幾件恤衫同褸，定時清洗，就可以足夠應付日常所需，出門口唔使襯衫慳番好多時間，佢話就連facebook創辦人朱克伯格都同意。
佢又話生活簡樸啲，唔單止慳到錢同減少浪費，心境都會寧靜啲。阿聰呼籲大家聖誕節唔好大費周章買好多禮物，將新淨又用得着嘅嘢送畀對方，聊表心意就好。
更多港聞
相關新聞
