【明報專訊】今日係英女王官式壽辰，英國駐港總領事館噚日率先舉行酒會，為「事頭婆」英女王慶祝92歲生日，今年請?訪港?女王幼子、54歲?愛德華王子，同埋特首林鄭月娥做主禮嘉賓，兩人仲一齊切英國旗圖案蛋糕慶祝。

林鄭主禮 大談家人同英國淵源

據Emily了解，前特首梁振英任內一次都無去過呢個酒會，而林鄭今次仲同埋幾個局長出席。林鄭致辭笑笑口提到，仲記得舊時英女王生日係公眾假期，講佢一家四口同英國關係深厚，都曾經?劍橋讀書，又提到佢曾經駐英工作一年半，恭喜英國王室近來喜事唔少，包括再添一個小公主。

英國駐港總領事賀恩德提到，希望香港同英國一齊就維持一國兩制、兩地商業合作努力，提到今次活動以英國女性投票權100周年做主題，今次主禮嘉賓亦正係香港首任女特首，噚日活動演奏?風笛手亦係女性。

羅致光梁繼昌再戰渡海泳

酒會期間，Emily碰到「IQ160局長」勞福局長羅致光，同埋立法會議員梁繼昌，兩人都話去年參加維港渡海泳後，意猶未盡，今年有意再參賽，羅致光今年對賽程仍然好有信心，Emily祝佢今年創個佳績。