【明報專訊】四年一度的世界盃前晚在俄羅斯舉行揭幕戰，主場俄羅斯對沙特阿拉伯，獲得直播權的ViuTV前晚於奧海城舉行《全城睇波派對》發布會，王宗堯、林耀聲、黃心美、小肥和俄仔Ansheles等出席。林耀聲透露日內會赴馬來西亞拍戲，但晚上會留在酒店房間欣賞球賽。林耀聲指女友雖然不熱愛足球，但也會睇靚仔球星，自己不會呷醋，他笑說﹕「我都睇靚女啦。」

開幕戰，林耀聲捧俄羅斯贏，王宗堯就撐沙特阿拉伯。會否和朋友賭波？王宗堯說﹕「不會賭身家，試過贏5位數字，會將贏來的錢請食飯。」

俄仔Ansheles表示世界盃在俄羅斯舉行，所以他特別多工作，返不到俄羅斯睇波，坦言之前亦不睇波，因工作關係才接觸和了解足球，他說﹕「今年點都要睇波，揭幕戰會支持自己國家，還要問？但講真，俄羅斯擅長冬天的運動，踢波唔叻。」但最後俄羅斯大勝5比0。

Ansheles於2月為ViuTV去了俄羅斯3星期拍世盃特輯，他說﹕「天氣好凍，零下22度，攝影機拍10分鐘就停，遇到很多困難，我都不習慣那麼凍和當地的食物，俄國菜跟香港好不同，俄國食物好肥，餃子入面是薯仔，澱粉質包住澱粉質，連續食3星期真的不舒服，要四圍搵中國餐食，攝製組食到怕怕，說不敢再去。」

記者﹕柯美