【明報專訊】特首林鄭月娥嘅新一份施政報告將會喺10月發表，諮詢工作今個月開始。除咗透過電話、傳真、電郵、網頁同郵寄表達意見，林太特別提醒大家，去facebook同埋Instagram留言講意見，佢都會收到㗎！ 林太同政策創新與統籌辦事處(創新辦)一齊合作拍攝施政報告諮詢嘅宣傳短片。林太嘅facebook早前上載咗條短片，佢仲扮市民打去諮詢熱線，同工作人員一唱一和，宣傳施政報告收集意見嘅各種渠道。林太先問，市民有咩方法喺今年嘅諮詢中表達意見，接電話嘅職員就拎出大大張貓紙，答佢可以電話、傳真、電郵、網頁同郵寄表達意見。接住林太追問﹕「又話可以去特首個fb留言表達意見嘅？」職員就攞出另一張貓紙講，去特首嘅fb post或inbox(私訊)專頁，有關方面一樣會收到意見嘅。
|
| |
| |
;)
