【明報專訊】中聯辦噚日搞新春春茗宴請立法會議員，春茗閉門舉行，但記者經安檢後，可以�鬗切p辦大樓大堂採訪議員出入。茶敘連午宴環節長兩個幾鐘，午宴期間，中聯辦宣傳文體部部長朱文突然拎住一疊利市現身大堂，話係代表主任王志民向記者派利市，每封50蚊，唔少記者對呢個舉動感到有�囓X奇，因為官員向記者派利市都算少見。而本報記者並無收取利市。

議員午宴期間不忘同記者「報料」，包括分享菜單，茶敘方面，王志民特登揀��3款家鄉福建茶，包括鐵觀音、大紅袍同白茶；午宴就有多道名貴菜式，包括黑松露蘆筍湯、�b燒遼參，同石斛花燉竹絲雞等。中聯辦亦有安排汽水同小食畀記者。

體育、演藝、文化及出版界議員馬逢國透露，中聯辦噚日特別為議員準備展覽，介紹香港中聯辦歷史，佢形容呢�籪穈T對年輕議員認識中聯辦好有幫助。唔少建制派議員都關心推銷大灣區，經民聯盧偉國話席上向王志民提到，好多香港青年�鬗j灣區發展都有所成就，建議加強青年宣傳教育；工聯會麥美娟亦向副主任仇鴻表達，希望更多青年能認識《大灣區綱要》。