壞凍肉櫃 中大NA Can傳「屍臭」
[2019.05.31] 發表
【明報專訊】提起中文大學嘅新亞書院，唔少人或會諗到有可以飲到平靚正紅豆冰嘅新亞餐廳(NA Can)。不過，新亞學生會近日發現，NA Can近入口位傳出陣陣「屍臭味」，仲話味道由走火樓梯直湧上新亞體育館，嚴重影響同學使用樂群館設施。新亞學生會噚日喺facebook發文話，已向NA Can負責人了解，經調查後得知，有批肉因為保存不當變壞發臭，滋生咗一大堆屍蟲，血水仲流入排水系統，令臭味進一步擴散。
學生會強烈譴責NA Can管理不善引起影響，話會繼續跟進。中大新亞書院就話，NA Can正休業內部裝修，檢查後證實異味來自餐廳一個凍肉櫃，初步懷疑該櫃喺裝修期間故障，令凍肉腐壞。書院已經要求餐廳承辦商請專業清潔公司善後，而承辦商今日會徹底清洗飯堂同周邊設施，亦要求餐廳職員喺裝修期間定期檢查設備，確保正常運作，保持良好衛生情况。
Emily諗起中大校長段崇智曾經話「鴨仔團」問題嚴重，心痛學生無位食飯，唔知佢對今次事件影響同學又有咩感受呢？
更多港聞
【明報專訊】網上近日出現唔少反對《逃犯條例》修訂嘅中學校友聯署，唔少人乘機同校友「相認」。Emily發現，九龍工業學校校友聯署中，發起人包括...
詳情
前民主黨人成立區政聯盟：同舊黨友好 同某啲人唔啱
【明報專訊】由民主黨前黨員柯耀林同區鎮樺籌備嘅「區政聯盟」，噚日正式宣布成立，29名成員積極考慮年底參選區議會。民主黨退黨潮去年引起熱議，同... 詳情
【明報專訊】工聯會不時開辦各式課程，立法會議員何啟明噚日就喺facebook分享，話工聯會連「暑期淘寶網購全攻略」課程都開埋，會全面講解淘寶...
詳情
相關新聞
