【明報專訊】特首林鄭月娥噚日見記者，唔少反修例市民都話睇完仲嬲；民建聯立法會議員蔣麗芸就�鐪acebook評論，話林太�鰤O招提出很多問題，「但解決方案呢？失望！！！」(圖)，簡單幾句引來網民熱論，大半日就有1.3萬人like，唔少網民讚Ann姐「講人話」，又有人留言話「Ann姐講得好好！為民請命！真是香港之福！」、「Ann姐我支持你，講得好好！！特首最佳人選！」等。

民建聯副主席陳克勤噚日見記者，民記fb專頁有直播，大批網民亦留言要求見到Ann姐，有人問「Ann姐呢？唔準(准)再收埋佢」；有人希望民建聯都聽民意，促請政府回應反修例者五大訴求。

實政圓桌議員田北辰亦�鐪acebook評論，對於林太噚日話警方即日起每日都會開記者會，政府部門亦會按需要舉行跨部門記招，佢就話：「每日開記者會可以取代獨立調查委員會？唔係掛(�N)！」言論亦引起網民熱論，有人希望田二少提出好方法畀政府解決困局，亦有網民留言「田生，好彩你唔盲撐，如果唔係你辦事處塊玻璃會好危險」。