【明報專訊】新界東立法會補選候選人之一、民建聯周浩鼎近日被網民翻舊帳，指佢雖然申報係「律師」，但質疑佢嘅執業資格。面對網民質疑，周浩鼎前晚主動喺facebook上載由香港律師會發出嘅證書，話「有圖有真相」，以證明自己確實係持有執業證書嘅律師。 不過，網民仍未放過周浩鼎，有人以律師會發出嘅證書上一句「The abovenamed shall not practise as a sole practitioner or in partnership.(上述人士不得獨營執業或合伙)」，繼續質疑周浩鼎嘅律師資格。根據香港律師會嘅名冊，周浩鼎係「持有執業證書、非於律師行執業會員」。 Emily請教律師會前憲制及人權事務委員會委員、執業律師任建峰，任建峰話，基本上如果唔係律師行合伙人嘅事務律師，證書上都會有上述呢句英文，他日只要晉升為合伙人，就可以向律師會申請，刪除呢句限制。 立法會新界東補選候選人仲有無政治聯繫劉志成、新思維黃成智、獨立梁思豪、獨立方國珊、本土民主前線梁天琦，及公民黨楊岳橋。
|
| |
| |
;){kind=small}
