【明報專訊】近6年來首次喺香港可以觀看日偏食，唔少市民噚日都把握機會出外觀賞，雖然天公不作美，香港上空多雲同大霧，令到整個日偏食過程若隱若現，但仍無損市民興致。香港太空館噚日喺中環皇后像廣場及尖沙嘴海旁舉辦日偏食觀測活動，即場提供多支配置減光設備嘅天文望遠鏡，免費供市民使用，除咗學生，仲吸引上班族專登提早出門觀賞。 噚日嘅日偏食喺早上8時05分開始，企喺尖沙嘴海旁用肉眼已可以見到太陽被月球嘅陰影遮蔽，但好快被雲層遮掩，約半小時後先至重見光明。歷時約兩小時嘅日偏食，太陽就係咁反覆出現同隱沒喺迷霧之中，直至9時57分結束，食甚時間為8時58分。若錯過咗今次機會，就要等到2019年12月26日，先至有機會喺香港睇到日偏食。
|
| |
| |
;){kind=small}
