中五生實習 做港燈「影子工程師」

[2017.02.03] 發表

【明報專訊】港燈最近出現咗3個年輕嘅「影子工程師」，原來佢哋分別喺元朗同新蒲崗嘅中學讀緊中五嘅同學仔。3個同學仔噚日獲港燈委任為「影子環境工程師」，將會跟住港燈嘅環境工程師實習一日，去南丫發電廠，走入天然氣機組嘅煙囪檢查空氣監測系統，仲會採集環境樣本。

佢哋噚日先同港燈董事總經理尹志田交流，佢寄語同學仔要趁後生鍛煉EQ同身體，第日先可以成功。唔講唔知，原來尹志田中三已認定要做工程師。加入港燈38年，佢話對南丫發電廠特別有感情，當年電廠搬到南丫島，由以往燒油發電改為燃煤，成個搬遷工程佢都有份參與，可謂見證住行業嘅變遷。

更多港聞