羅康瑞續任貿發局主席
[2017.02.18] 發表
【明報專訊】貿易發展局主席羅康瑞任期到今年5月底先至屆滿，政府噚日公布特首梁振英再度委任羅康瑞為貿發局主席，任期兩年，今年6月1日起生效。
梁振英讚揚羅康瑞領導下嘅貿發局，成功推動香港對外貿易及提升香港喺內地及海外市場嘅商務地位，貿發局亦成功協助香港企業喺內地及新興市場開拓商機，尤其係「一帶一路」沿線市場。
本身亦係瑞安集團主席嘅羅康瑞被視為忠實「梁粉」，近年屢獲委任重要公職，包括2014年擔任「過渡式」機管局主席，一年後調任貿發局主席，任期到今年5月底。羅康瑞已經加入特首參選人林鄭月娥嘅競選團隊，出任資深顧問。
民主黨立法會議員胡志偉話，呢個時間正正係政府準備換屆之時，正常應避免作出會影響下任政府嘅決定，但梁振英偏偏喺呢個時候委任，難免令人覺得佢想喺特首任期最後階段趕搭尾班車，運用權力為其支持者續任重要崗位。
更多港聞
相關新聞
