迪士尼集剩食 烹成美食捐社區
[2017.10.17] 發表
【明報專訊】每年10月16日係世界糧食日，香港迪士尼樂園與「膳心連」合作舉辦剩食捐贈計劃，每星期5日將酒店收集嘅剩食，烹調成美食，送到唔同社區幫助有需要人士，又可以減少浪費，可謂雙贏。
「大嘥鬼」輸畀行政西廚
為咗推廣減少浪費食物，香港迪士尼拍咗段影片，由環境局嘅「大嘥鬼」挑戰迪士尼行政西廚麥錦駒，自選食材，各自烹調一道菜，大嘥鬼將一條魚起肉，魚頭、魚尾、魚骨都唔要，製成蒜香牛油煎魚扒，而麥錦駒只係用剩食，即係魚頭魚尾，煮出一道海上鮮湯伴魚餅。其後迪士尼安排園區遊客試食，有人認為單靠賣相並唔足夠，指魚湯同魚餅先至係絕配。到咗壓軸嘉賓評判環境局長黃錦星出場，佢試食後就話，煎魚雖然新鮮，但另一道菜卻用剩食烹調，大讚「有心思，又環保」，結果麥錦駒勝出。
麥錦駒話，迪士尼平日都會收集酒店嘅剩食，花心思烹調成美食，再由膳心連嘅特製車將美食送到不同社區，幫助有需要嘅人。迪士尼於2013年開始與膳心連合作向社區捐贈剩食，至今年6月已捐出41.1公噸剩食，約等於7.3萬份餐。
更多港聞
浸大指頭皮針灸改善自閉童 講師倡與言語治療雙管齊下
【明報專訊】浸會大學中醫藥學院研究發現，頭皮針灸對自閉症兒童的病情有改善作用。該學院在2010年至2013年間，為68名自閉童進行針灸後，社... 詳情
【明報專訊】政府今年落實免費幼稚園計劃，工聯會調查發現有七成受訪基層家庭認為子女幼稚園的開支對家庭財政構成沉重負擔；調查又發現受訪者子女讀幼...
詳情
相關新聞
