李亞男宣布造人成功 王祖藍搞笑開盤估BB身高
【明報專訊】恭喜！恭喜！33歲李亞男與38歲王祖藍結婚3年多，在昨日拍拖9周年紀念日宣布造人成功，祖藍希望所有事都長長久久。李亞男開心終於做媽媽，得知懷孕好驚喜，沒想到這麼快。她已開始向身邊有經驗的姊妹取經，以及小心飲食，體會到做媽媽要付出好多愛。祖藍叮囑大家幫手「睇住」亞男，知道做媽媽辛苦。他又搞笑建議大家開個盤，看BB將來的高度似他還是似亞男。
文﹕娛樂組
王祖藍與李亞男這段「藍男戀」開始時因身高差距引起話題，但無阻他們發展，於2015年2月結婚，繼續愛得甜蜜。他們都鍾意小朋友，但祖藍工作忙，造人計劃受影響。不過昨日他們終於向大家宣布喜訊，亞男於下午時間13:14(一生一世)在社交網站分享超聲波照片，留言﹕「今天是我們拍拖9周年紀念日，很興奮感恩可以在這個特別的日子，宣布我和祖藍將迎接一個新生命嘅來臨。」
拍拖9周年 望長長久久
快將榮升爸爸，王祖藍開心說﹕「首先好感恩，可以在拍拖9周年紀念日去宣布這件事，我們拍拖是2009年，剛好9年後有個小朋友，希望所有事都可以長長久久啦！亦都好感謝上帝，幫我們安排好，所有事都在計劃內進行。結婚第一年同家人住，之後應承過Leanne(李亞男)搬出來二人世界，過兩年左右先有小朋友，𠵱家真的實現到，真是好感恩。」祖藍笑言他的公司十分旺丁﹕「先後有兩個員工有咗，現在計埋我老婆就3個，如果想生B，入來我公司做啦！」
王祖藍叫大家睇住老婆
祖藍又叮囑大家幫忙「睇住」老婆，盡顯「暖藍」本色：「做媽媽真的好辛苦㗎！她為BB付出好多，又睇書又改變自己飲食習慣、又好緊張去預備好多嘢，所以麻煩大家照顧吓佢啦！」祖藍亦不忘搞笑本色說：「大家最近除了睇法國定克羅地亞贏，我建議開多個盤，就是究竟將來BB的高度會似我定似阿媽(李亞男)呢？相信都幾啱用嚟打牙骹戰。」
李亞男望有一仔一女
李亞男說：「好開心終於做媽媽喇！好驚喜、有點不敢相信，因為我們雖然計劃今年做爹哋媽咪，但無想過咁快就實現到，真的好感恩。其實仔定女我都無所謂，因為我都好鍾意，好想一仔一女。最重要BB健康成長，開心快樂。」她已跟好姊妹分享喜悅：「我有向Linda(鍾嘉欣)同宋熙年取經，問定有什麼嘢唔食得？可唔可以做運動？有好多問題想問，始終我無經驗。」她為BB着想，已盡量不食喜歡的食物：「食少好多甜品，飲少好多咖啡，我以前一日飲幾杯㗎。雖然都是好小事，但已令我體會到做媽媽需要付出好多愛。」李亞男承諾現階段會好好照顧自己，多點休息，為做媽媽做足準備。
■更多娛樂猛料 ﹕ol.mingpao.com
