百忙中報喜 田二少抱龍鳳孫
[2019.05.08] 發表
【明報專訊】立法會呢期因為《逃犯條例》問題吵得火熱，而實政圓桌立法會議員田北辰亦忙於推銷佢嘅「港人港審」方案，佢噚日喺百忙中都要報個喜訊，話大女再做媽媽，噚日誕下龍鳳胎。不過，田二少就同Emily講，對女兒心中有愧，因為阿女朝早生，但佢一直要做嘢，仲要睇埋保安局長李家超嘅記者會，到黃昏先去到醫院探阿女同一對孫。
田二少大女本身已有一個5歲大嘅囝囝，今次嘅龍鳳胎先出世嘅係囡囡。佢話大女有湊仔經驗，加上大仔都5歲，故照顧一對小寶貝應該應付到。𠵱家田二少合共有5個孫仔孫女，佢話一對新成員喺母親節前夕出世，特別有意思。
更多港聞
【明報專訊】政制及內地事務局長聶德權上年拍片回顧一年工作，片中沿住城門河係咁跑；局長最近接受馬會刊物《駿步人生》訪問時就透露原來佢平時好鍾意...
詳情
相關新聞
