【Emily】車公誕市場有乾貨攤 下周三競投

[2019.11.13] 發表

【明報專訊】政府宣布今年嘅年宵市場無乾貨攤位，另一邊廂，食環署噚日公布2020年車公誕市場攤位喺下周三(20日)公開競投。車公誕市場攤位係設有44個乾貨攤位同4個濕貨攤位。

食環署話，車公誕市場攤位喺明年1月22日至2月8日，一連18日喺沙田翠田街足球場舉行，乾貨攤位底價2310元，濕貨攤位底價550元。公開競投將於下周三上晝9點半喺沙田禾輋邨禾輋社區會堂舉行，到時會先舉行乾貨攤位競投，之後到濕貨攤位。凡年滿18歲或以上、通常居於香港嘅人，都可以參與競投攤位。

食環署提醒攤位獲許可人(即檔主)，只可以喺攤位售賣同推廣准售商品，若食環署認為攤位獲許可人嘅活動係違法、不道德，或唔符合市場宗旨，有權指示停止有關活動。

更多港聞

【明報專訊】過去數月社區不時爆發嚴重衝突，無論咩立場嘅市民恐怕都唔會開心。不過政府表明唔會停擺，環境局長黃錦星（左二）過去呢幾個月亦出席不同... 詳情