【Emily】區選敗走 葉傲冬做文匯助總
[2020.01.04] 發表
【明報專訊】建制派喺區選大敗，原本係油尖旺區議會主席嘅民建聯葉傲冬，敗於手寫政綱、「波衫look」做選舉相嘅陳梓維，一度成為網民熱話。外界關注區選敗將何去何從，Emily發現葉傲冬已有新動向，選舉時申報係「新聞行政人員」嘅佢，近日就喺《文匯報》做助理總編輯。
葉傲冬前日喺facebook話「走進熟悉的環境重新出發」，唔少朋友留言為佢加油，佢噚日亦喺fb更新呢個新工作。
fb現「關心陳梓維學英語」專頁
阿冬2008年首次參加區議會補選時係文匯報助理採訪主任，當選後主力做區，但仍然係文匯員工，現時無咗區議員身分，就重返編採部做助理總編輯。佢同Emily講會負責港聞，話感謝公司之前畀好大空間佢做地區工作，現時仍有其他公職，公司亦會畀時間同空間佢兼顧。
另邊廂，陳梓維繼續受選民關注，佢日前接受傳媒訪問話自己會考零分、毅進唔及格，請助理都偏好無乜學歷嘅人，擔心如果對方學歷比佢高，會有「自我為中心」嘅感覺，又期望應徵者寄中文履歷。訪問出街後，facebook隨即出現名為「每天關心陳梓維學習英語狀况」嘅專頁抽水。
更多港聞
【Emily】沙田區會規矩多 議員去廁所要登記
【明報專訊】新一屆沙田區議會噚日開首次會，泛民議員一開會已就會議安排同沙田民政事務專員陳婉雯連番駁火。多名泛民批評沙田區議會規矩多多，包括議... 詳情
【明報專訊】《亞洲週刊》評選「香港警察」做「2019年度風雲人物」，作家董啟章噚日喺facebook專頁發文，話《亞洲週刊》內文誇讚警隊，無...
詳情
【明報專訊】新春將至，立法會將喺2月7號舉行新春午宴，特首林鄭月娥、一眾行政會議成員同政府高級官員都會一齊出席。不過，行政立法關係處低點，民...
詳情
相關新聞
