【Emily】劏房戶「瞓街」 要求政府援助
[2020.07.06] 發表
【明報專訊】酷熱天氣警告下，關注基層住屋聯席一批代表噚日喺添馬公園舉辦「和你瞓」，以瞓街方式爭取政府落實租務管制，限制業主加租幅度、提供失業援助金同租金津貼。
行動有40幾個劏房住戶參加，有家長帶埋囝囝出席。佢哋喺草地搭咗幾個帳篷，帶咗蛋糕同飲品，瞓喺地叫口號，模擬露宿生活，喺特首辦同立法會前面話畀政府聽，「再唔提供援助，佢哋就要『瞓街』」。
聯席組織幹事陳康麒話，劏房業主瘋狂加租、濫收水電費，就算疫情下失業率見12年新高，佢哋都照加租，基層租戶根本負擔唔到，政府又遲遲未提供協助，擔心街坊會畀業主趕走，露宿街頭。佢又話希望透過活動引起大眾關注，又會繼續同議員溝通，畀多啲壓力政府盡快回應訴求。
更多港聞
愛國校掛賀國安法橫額惹質疑 許智峯：校園政治化 校長：免學生墮法網
【明報專訊】《港區國安法》實施後，本報發現多間傳統愛國學校，在校園掛上寫有「慶香港回歸 賀國安立法」的橫額。立法會議員許智峯批評，橫額予人「... 詳情
相關新聞
