【Emily】陳德霖買商廈單位 消息：非做競選辦
[2020.10.08] 發表
【明報專訊】距離2022年特首選舉仲有年幾，近期傳出金管局前總裁陳德霖有意參選嘅風聲，雖然有接近陳德霖嘅消息人士澄清有關參選說法係子虛烏有，並無其事，但有迹象顯示陳德霖有新動作。
位處金鐘 千萬一炮過畀
土地註冊處資料顯示，由陳德霖及妻子陳唐芷菁持有嘅「冠盈(香港)有限公司」，今年5月以1080萬元購入位於灣仔軒尼詩道嘅金鐘商業大廈10樓A室同B室，且係「一炮過」畀錢，無做按揭，令人聯想會唔會同成立競選辦有關。不過Emily向接近陳德霖嘅消息人士查詢，佢話陳買呢兩個單位純屬自用，同所謂嘅參選無關。
相連單位加埋實用700呎
Emily去現場睇過，電梯大堂外嘅水牌顯示，大廈3樓係由行會成員湯家驊成立嘅「民主思路」總部，但就未有顯示10樓會設立啲咩公司。而10樓A室同B室兩個單位面積加埋約1000呎。消息人士話，金鐘商業大廈單位實用率大約六七成，如果計番實用面積，兩個單位加埋大約只有六七百呎，根本無可能做到競選辦公室咁話。
更多港聞
【Emily】立會紀念品新推「果皮蝦殼」環保筆
【明報專訊】立法會紀念品店最近推出新產品，包括環保原子筆（左起）、PU行李牌、A5筆記簿套套裝；其中原子筆嘅筆桿係由回收嘅廚餘改造而成，例如... 詳情
【明報專訊】疫情下馬會嘅六合彩都要暫停幾個月，直至上月24日先恢復攪珠，但只係每逢星期四舉行一次。馬會噚日宣布維持每周攪珠一次嘅安排，今晚攪...
詳情
【Emily】黃應士5000萬捐浸大傳理學院 「與亡妻相知相愛之地」
【明報專訊】有「香港新聞教父」之稱嘅資深新聞工作者黃應士，噚日向香港浸會大學捐咗5000萬元成立「黃沈慧珍紀念基金」，以紀念其已故妻子，並藉... 詳情
教師演卡通歌舞劇迎小一生 疫下長期無上學 盼增新生安全感
【明報專訊】學校剛恢復面授課堂，3班小一新生首次進入學校禮堂觀看歌舞劇，艾莎公主（Elsa）、安娜公主（Anna）、獅子王辛巴等卡通人物逐一... 詳情相關新聞
