【Emily】設計穗禾苑怡和大廈 木下一獲建築師會金獎
[2020.12.10] 發表
【明報專訊】香港建築師學會每年都會從會員作品中選取設計優秀嘅建築，予以表揚，學會今年首設「香港建築師學會金獎」，並將呢個最高榮譽獎項頒畀加籍日裔建築師木下一(James Kinoshita)，表揚佢對香港建築嘅貢獻，佢嘅作品包括沙田穗禾苑、中環怡和大廈(前康樂大廈)、已拆卸嘅希爾頓酒店等。
學會話，木下一於1960至1980年代設計咗唔少具創新及開拓性嘅建築，遍及辦公大樓、校園、酒店、住宅等唔同類型建築，佢嘅作品體現出喺高密度城市環境下，建築與複雜功能同結構系統融合，為往後數十年嘅建築設計立下更高標竿。
學會舉咗1980年入伙嘅穗禾苑做例子，話屋苑公共空間設計生動，有助增進人與人之間嘅互動，提供社區活動空間。翻查資料，木下一於2017年接受訪問時提及穗禾苑，佢話屋苑最大特色係每3層樓先有電梯到達，以電梯大堂代替又長又暗嘅公屋走廊，不但更光猛，仲可以增加居民間嘅交流。被問到香港有乜嘢係重要嘅，佢話係香港嘅山同水。
更多港聞
【明報專訊】建制派近排成日搞網上民調推動某啲政策，但調查方法唔科學，唔係隨機抽樣，噚日又有一個。由建制派李月民同民建聯司徒駿軒發起嘅「元朗監...
詳情
教協調查：九成通識教師反對異化論 不信改革為學生 批政治凌駕教育
【明報專訊】政府改革高中通識科引起社會爭議。教協調查指出，分別有逾九成中學通識科教師不同意「通識科被異化」的說法、不同意當局改動通識科是基於... 詳情
【明報專訊】學校課程檢討專責小組（下稱小組）9月底向教育局提交報告，教育局昨稱，接納小組報告提出的6個方向建議，並已開展部分建議的落實工作，...
詳情
相關新聞
