【Emily】東涌明年開臨時街市 近港鐵站
[2021.06.22] 發表
【明報專訊】東涌街坊下年可望去臨時街市買餸，嗰度會有約36個售賣魚肉、蔬果等新鮮糧食嘅攤檔，街市有冷氣，場地用天幕覆蓋。食物及衛生局噚日宣布，已搵到一個合適地點，選址係東涌港鐵站附近嘅富東街，最快明年第四季落成啓用。
「組裝合成」減施工期
食衛局長陳肇始話，參考去年12月啓用嘅食環署天幕街市(前稱天水圍臨時街市)嘅設計構思同建造方式，東涌臨時街市都會用「組裝合成」方式建造，盡量縮短施工期，爭取一年內完工。
行政長官2018年《施政報告》宣布，喺東涌港鐵站毗鄰嘅第六區商業大廈低層興建公眾街市。此外，政府亦正就東涌新市鎮擴展區第133A區新公眾街市嘅興建計劃做前期規劃。未有永久街市前，街坊可以去住臨時街市買餸先。
更多港聞
航天科學家講座中學直播 中聯辦統籌 教局促校長安排師生觀看
【明報專訊】神舟十二號載人飛船上周升空，3人入住太空站。教育局周五（25日）舉行1小時45分鐘網上直播講座，由內地航天科學家向中學生分享航天... 詳情
相關新聞
