【Emily】小編黑雨一除撲探監 感動阿尹
[2021.06.29] 發表
【明報專訊】噚日朝早風雨交加，天文台喺8點20分發出今年首個黑色暴雨警告，懲教署規定黑雨冇得探監，至11時05分天文台改發「紅雨」警告。荔枝角拘留所嘅探訪登記時間中午12點完結，正還押嘅劉頴匡(Ventus)、民主黨尹兆堅嘅親友即刻趕去探監，風雨無阻。
尹兆堅facebook嘅小編話，佢喺黑雨後立即趕去荔枝角探訪，形容當時嘅「驚險」情况，話自己11時58分先落車，遠望已見到登記室懲教人員企喺門口前不斷對表等閂閘，小編冒住傾盆大雨向登記室狂奔，「達陣」後懲教人員亦將大門鎖上。
劉頴匡女友都趕到
小編話，阿尹留意到佢頭髮仲有水滴，又留意佢多咗暗瘡，關心佢係咪工作壓力太大；當說再見一刻，阿尹突然喺玻璃窗遞上一張寫住「多謝你哋做我同事！」便條，雙手合十，微微鞠躬。小編話想回覆阿尹一句：「多謝你做我老闆，讓我可以在外挺起胸膛跟街坊說，我老闆是尹兆堅！」
劉頴匡女友Emilia就話，當佢發現黑雨變紅雨時已經係11點13分，佢要由屯門去荔枝角，趕到腎上腺素飈升，最終都趕得切。Ventus仲唱歌畀佢聽，「黃雨?探訪?真的很?興奮」，又話辛苦晒Emilia。
更多港聞
【Emily】上京出席黨慶興奮 陳曼琪空姐合照
【明報專訊】特首林鄭月娥噚日去北京參加中國共產黨成立100周年活動，多名獲邀嘅政界人物紛紛喺社交網站上載照片，表現興奮，港區人大代表陳曼琪仲... 詳情
【Emily】「屯馬~開通~真的很~興奮」掀改詞接力
【明報專訊】港鐵屯馬線全線前日通車，呢兩日社交網站被幾個鐵路迷「洗版」，尤其係接受無綫電視訪問時，將英國民謠《綠袖子》（Greensleev... 詳情
【Emily】送禮「賀黨慶」 遭建制嘲笑 關永業：大家自己玩味啦
【明報專訊】新民主同盟上周六（26日）宣布解散，大埔區議會主席關永業同日派禮物畀街坊，並喺facebook帖文寫住「慶祝建黨百週年，派發小禮... 詳情
相關新聞
