【Emily】港年耗4億個咖啡杯 環團推借杯計劃
[2022.07.19] 發表
【明報專訊】綠色和平噚日發布「外賣即棄餐具意見調查」，發現三成七受訪者有買外賣咖啡習慣，平均每個禮拜買3杯，推算港人一年消耗4億個外賣咖啡杯；亦發現逾半受訪者願意試用可重用器皿借還服務。綠色和平同本地初創公司周五(22日)起會與6間本地咖啡店合作，推出為期半年嘅「上環重用杯借還計劃」，買外賣咖啡嘅顧客借杯時，要下載手機應用程式並連結信用卡，如果冇喺7日內還杯，系統會自動扣除80元重用杯成本費。
綠色和平委託香港民意研究所上月17日至30日以電話訪問1005個年滿18歲市民，發現最多受訪者喺連鎖快餐店同咖啡店買外賣咖啡，分別佔36%同23%。香港民意研究所總監彭嘉麗話，有5%受訪者比較得意，為咗加少少錢就有嘢飲，喺便利店同麵包店買咖啡。
調查亦發現一半受訪者表示一定唔會清潔餐具再回收，但對於新興嘅可重用器皿借還服務，54%人就願意嘗試。綠色和平項目主任譚穎琳希望香港政府借鑑韓國、日本同台灣政府，為重用餐具借還計劃投入資金、請商界同技術公司發展可重用容器系統。組織亦建議政府加快展開管制即棄膠餐具嘅立法。
更多港聞
【明報專訊】民主黨前主席胡志偉因「35+初選案」一直還押，至今已差唔多有一年半。其親友近日透過志偉嘅facebook更新佢嘅近况，提到fb小...
詳情
【Emily】林定國「過」字贈考生 張國鈞轉載老細帖
【明報專訊】律政司長林定國（Paul）上任後銳意加強對外宣傳同回應，包括可快啲回應到外界嘅質疑。Emily留意到，喺一啲軟性溝通上，Paul... 詳情
專上學額較DSE生多萬個 自資院校：招生有挑戰
【明報專訊】中學文憑試（DSE）周三（20日）放榜，今屆DSE考生約5萬人，見歷屆新低，而政府資助及自資課程共有6.2萬個學位、副學士等學額... 詳情
加碼資助僱主 月薪1/3上限7000元 城大再推就業配對 冀助畢業生搵好工
【明報專訊】新冠疫情爆發兩年多，打擊香港經濟，城市大學今年再度推出就業配對計劃（「城」就開拓計劃3.0），當學生經計劃獲聘，校方將向有關僱主... 詳情相關新聞
