【Emily】警來電嚇一嚇 陳皓桓獲通知一案唔起訴
[2022.10.29] 發表
【明報專訊】前民陣召集人陳皓桓(Figo)因多宗未經批准集結案件入獄，月初刑滿出獄。佢噚日收到警方西九龍反黑組來電，問佢記唔記得一宗未經批准集結案。Figo同Emily講，一度擔心係咪要被預約拘捕，仲驚要馬上再入獄，不過原來警方只係通知佢決定唔起訴，叫佢到警署攞番保釋金。
Figo話，由於自己太多案件在身，對該案根本無印象，連具體牽涉邊次示威都唔記得，亦一直無踢保。佢噚日收到警方來電時，一度擔心要馬上再入獄，「突然被嚇一嚇，唔想出來20日就入番去」。Figo話警方可以隨時決定再起訴，佢只能順其自然。至於出獄後嘅計劃，Figo話𠵱家仍然休息緊，平日主要去探監、到法庭聲援、約朋友見面等。Figo之前提過想去旅行，但佢話自己嘅護照原來已過期，估計短期內未必可以外遊。
更多港聞
【Emily】中大創新日展科研成果 AI睇實BB瞓覺
【明報專訊】中大噚日舉行「第二屆中大創新日暨電梯募投大賽」，展示好多中大學者嘅科研成果，其中中大信息工程學系教授刑國良嘅團隊研發嘅「智能嬰兒... 詳情
相關新聞
