【Emily】客人可飲住奶茶睇show 和記餐廳灣仔店中秋結業 撐本土音樂文化 周國賢曾表演
[2023.09.20] 發表
【明報專訊】灣仔嘅和記餐廳，除咗係一間茶記，仲不時化身音樂表演場地，畀人飲住奶茶睇show，至今舉辦超過70場本地音樂會，但餐廳前日喺社交平台宣布灣仔分店將會喺中秋節後結業，同時喺留言區向網民表示可以去「西灣河店繼續支持」。餐廳負責人回覆Emily話，因為「通關後啲人唔見咗、消失咗」，導致收入減少，所以決定結束灣仔分店。
和記餐廳嘅社交平台簡介形容係「將本土音樂及文化crossover的茶餐廳」，話希望透過呢個有人情味嘅地方，多一個接觸同分享本地音樂嘅平台，以歌會友。創作歌手周國賢同著名結他手Jason Kui等都曾於餐廳表演。餐廳近年仲支持ToNick等本地音樂團隊喺九展辦音樂會。
話因「通關後啲人唔見咗」
餐廳前日發帖，話灣仔謝斐道分店將會經營至本月29日，又表示「感謝過去大家支持，後會有期」。
更多港聞
【Emily】太古城700元燒肉放題 食油甘魚食到蟲 店稱「來貨控制唔到」
【明報專訊】有網民喺facebook發文及相，話前晚同老公喺太古城「炎舞家」花700元享用燒肉放題，點知食緊「西京燒油甘魚」時，發現條魚入面... 詳情
【明報專訊】津貼學校玫瑰崗中學將停辦，師生安排續受關注。教聯會副會長兼立法會議員鄧飛憂慮教師將陸續離職，建議初中生盡早轉校以適應新環境，「走...
詳情
相關新聞
