立法會前秘書長：昔日議會多笑聲
[2014.08.15] 發表
【明報專訊】立法會雖然放緊暑假，但民主黨主席劉慧卿無偷懶，喺暑假繼續主持佢嘅網台節目《議會內外》。噚日卿姐仲請咗立法會前秘書長吳文華，同大家上暑期補習班，惡補吓早前出版嘅《香港特別行政區立法會歷史、規則及行事方式參考手冊》。 卿姐仲笑言，希望手冊好似《白皮書》咁，印成7國語言，方便議員將來外訪交流。
吳文華喺節目上呼籲市民可以睇吓呢本參考手冊，了解立法會歷史。
佢仲話編寫時要做資料蒐集，發現回歸前嘅議會係多啲笑聲，話當時議員提出質詢同辯論時，都好有幽默感，但同時做到「夭心夭肺」嘅效果。吳文華預告下年會出第二部分，講解立法會大會同委員會運作、立法程序同財政理念等，仲會應議員助理要求，將部分章節，如大會同委員會運作，先放上網畀大家參考。
更多港聞
相關新聞
