【明報專訊】前日有市民喺九龍塘又一城打開象徵雨傘運動嘅黃傘表達意見，被保安阻止同趕離商場，過程被拍片放上網；即刻有網民發起聽晚7點半喺又一城舉行「開遮行動」，抗議保安無理阻撓。 Emily噚日睇咗條兩分鐘嘅片，有一男一女青年喺又一城打開黃傘，畀兩名保安上前阻止，其中一名保安不斷叫個女仔離開商場，女仔問點解時，保安語帶激動反問佢「?家係咪落雨先？」，又指佢哋阻住商戶做生意。當個女仔問佢貴姓，旁邊保安就話自己姓曾，係保安主任，又指頭先有顧客投訴佢哋把遮撞到佢，但當個女仔問佢嗰位顧客去咗邊，曾姓主任答唔出，激動反問﹕「你讀乜書？麻煩你離開！」 有網民不忿保安態度，發起聽晚喺又一城快閃開遮，目標100人，仲話「又一城成日漏水，梗係要開遮周圍觀光啦」，不過亦都有網民唔贊成，覺得開遮行動會惹市民討厭。 攝記作品製圖輯網上睇 另外，香港攝影記者協會將一眾前線攝記呢個月嚟有關雨傘運動嘅作品製成圖輯，仲會不停更新，啲相好靚㗎，圖輯可以喺攝記協會facebook搵到。 (m.facebook.com/story.php?story_fbid=700257353376014&id=182309228504165)
|
| |
| |
;)
