特首：5歲細路問長大住邊
預想成「真」
[2015.01.15] 發表
【明報專訊】房屋土地係今屆政府施政「重中之重」，噚日施政報告就用咗近40段(即佔報告兩成)介紹，不過Emily就發現，過去3年，每提到房屋問題，特首梁振英都會提起「小朋友」。噚日報告嘅第90段，就引述有一個5歲小朋友曾問CY﹕「行政長官，我長大後住哪裏？香港還有沒有足夠土地？」Emily翻查資料，CY過去兩年都有類似言論，但以前個小朋友係「幻想」嘅，今年幻想就「成真」！
2013年9月CY出席灣仔地區諮詢論壇，當時佢就話，如果?家有一個四五歲嘅小朋友問佢，將來結婚後會住喺邊，佢當時話﹕「我唔可以答佢：『我唔知道，因為我只會做行政長官4、5年。』因為我們要對他們負責」。
查詢何時提問 特首辦：無補充
到咗去年施政報告，第119項就有咁嘅一句﹕「我經常想，如果今天幼稚園的小朋友問﹕『特首，我第時大個住邊度呀？』我如何回答？『冇地方住』是不可接受的答案。」Emily問過特首辦5歲小朋友幾時向CY提出疑問，但發言人話無補充喇。
更多港聞
藝術團體選50青年受訓
【明報專訊】慈善團體「誇啦啦藝術集匯」推出的「Bravo！香港青年劇場獎勵計劃2015-16」本月12日起於詳情相關新聞
