【明報專訊】民建聯噚日舉辦年度漢字評選，畀市民揀選覺得最能代表2017年嘅漢字，今年嘅候選字包括「貴、樓、公、新、回、智、判、風、創、民」，「貴」、「樓」當然係講緊物價貴同房屋議題，「回」就代表回歸，「判」講緊判決，指今年除咗DQ議員案，仲有好多佔中案件要判等。 民建聯宣傳呢個活動唔少得拍片，搵嚟黨內幾名小花喺部分建築物前自拍，介紹今年有咩候選字眼。 民建聯搞呢個活動，獎品都算豐富，投票揀中年度漢字嘅市民可以參加抽獎，頭獎獎品係國泰航空贊助亞洲區雙人來回機票；其他獎品包括iPad Mini 4、3000元旅遊禮券或書券。活動投票日期去到12月20號，有興趣市民可以上民記網站睇吓。
|
| |
| |
;)
