【明報專訊】2014年佔領運動後，人稱「淨心BB」嘅「愛港行動」召集人、陳淨心低調咗唔少，但近排就頻頻現身，繼上月率領20人去政總批評政府打擊港獨不力後，噚日就去民主黨林卓廷喺上水發起嘅反水貨遊行「踩場」，鬧阿廷身為議員「有問題唔擺上立法會傾，走出嚟分化香港同內地同胞」。 陳淨心噚日下晝現身上水街頭，同支持者大叫「歡迎國內同胞辦年貨」，又周圍派國旗，仲忽然播國歌，令在場者打個突，當堂靜晒。 Emily同行家目測，現場兩邊人馬合共近百人，但陳淨心話今次遊行無同警方申請「不反對通知書」，因為佢哋只派咗6人參與遊行，唔夠30人，所以唔使申請，至於遊行隊伍內其他支持者，佢話「唔識佢哋」。
|
| |
| |
;)
