【明報專訊】梁詠琪(GiGi)、謝賢、陳靜(DaDa)、丁可欣(火雞姐)、徐天佑、陳奐仁和陳逸寧合作的賀歲電影《恭喜八婆》，票房累積1300萬元 ，又入圍「大阪亞洲電影節」及被荷李活監製睇中，正洽談買版權翻拍，昨晚特意於尖沙嘴舉行慶功宴祝捷。

GiGi表示對成績感滿意，笑言導演彭浩翔承諾票房達2500萬元會請去日本滑雪，雖然如今未達標，都希望用群眾壓力屈他請去旅行，她說：「我不懂滑雪，想報名跟去浸溫泉。導演開拍此戲時，個個一叫就幫手埋位。知道荷李活那邊又斟洽版權翻拍，我都會留意誰演我個角色。」GiGi丈夫Sergio在戲中客串演男神，成為該片彩蛋部分，她說：「老公純粹幫手、玩�鵅A不會當終身職業，他埋位前有謙虛請教點做，其實他做得好好，處理得好輕鬆，剛好導演想他講兩句廣東話對白『好臭』、『無問題』，他都識講，因為以前幫女兒換片經常講好臭。」

DaDa剛跟導演去完台灣宣傳，此程只逗留兩日一夜，行程緊密，今次是繼6年前《低俗喜劇》後再赴當地，能夠再見粉絲，覺得好值得，但無閒歎美食和見朋友。她大爆導演今日撇甩演員獨自去日本滑雪：「陳逸寧慘少少，為表決心買埋滑雪手套，相信導演下部戲實過2500萬票房的，大家就等他遲一點請去旅行囉！」

記者：鍾一虹

攝影：孫華中

■更多娛樂猛料 ﹕ol.mingpao.com