【明報專訊】佔中9人案上月24號宣判，其中兩名佔中發起人戴耀廷同陳健民被判囚16個月，正在服刑，民主黨屯門區議員朱順雅噚日�鐪acebook話，前幾日先後到石壁同壁屋監獄探望兩人，形容佢�]精神非常好，笑容依舊，並引述兩人話，從新聞報道得知有十幾萬人上街抗議政府修訂《逃犯條例》，感到好鼓舞，希望市民繼續企出�薯u護香港。

陳住30人倉 囚友體諒免食二手煙

朱順雅引述陳健民話，佢現時被囚於30人倉，囚友非常善待同尊重佢，即使同倉九成囚友都食煙，但食煙時會盡量遠離佢，避免佢吸二手煙；陳健民為保持身體健康，每日堅持運動，習慣�鰷M晨5點幾起身坐禪同慢跑，日間佢會被分配做木工，夜晚就閱讀，亦會幫�囓}友補習英文。佢仲講笑話要�鷅誘之V力工作，希望盡快掙夠錢買對「白飯魚」布鞋去跑步。

至於戴耀廷，朱順雅引述佢話目前囚�鬗G人倉，同倉囚犯好照顧佢，令佢總算適應獄中生活。佢會善用逢星期三可以出去跑步�鴾U晝，每次環繞足球場慢跑40分鐘，大約跑廿幾圈；平時就被分配到裁衣部門，負責剪線頭。由於佢有港大法律系教授背景，唔少囚友都向佢請教，佢都樂意逐一解答。

朱順雅話佢�]好掛心其他戰友，已告知兩人最新狀�G，包括邵家臻「通波仔」手術後，已被送返赤柱監獄服刑；陳淑莊都順利完成開腦手術，目前休息緊。兩人聽到都鬆一口氣。