【明報專訊】警方噚日朝早喺金鐘道清除路障，現場氣氛一度緊張，同時仲上演咗一段「驚心動魄」小插曲。事緣一對身穿婚紗禮服嘅新人，噚日突然喺清路障期間沿紅棉路飛奔，新娘子更赤腳上陣，越過金鐘道同夏愨道，嚇親全場警員同示威者。無他，原來一對新人「趕結婚」！ 呢對新人無理會警員同示威者目光，只顧搏命飛奔去中環大會堂婚姻註冊處。新娘子拎住成4吋高嘅高踭鞋狂跑，新郎范先生就不斷拉住未婚妻裙襬，有少少狼狽又有少少尷尬，沿途有唔少人「食花生」，喺天橋上揮手高叫「加油，快啲」，但新娘子一於好少理。據悉，一對新人因為金鐘道清除路障棄車跑步，Emily相信呢個婚禮日會令佢哋畢生難忘！祝范生范太百年好合！ (李紹昌攝)
|
| |
| |
;){kind=small}
;)
