【明報專訊】政府早前建議將今年9月3日訂為一次過嘅公眾假期同法定假日，紀念抗戰勝利70周年，今日會就相關條例草案刊憲。多一日假期關乎全港打工仔女嘅利益，工聯會黃國健勸泛民議員唔好要求開小組委員會討論，費事趕唔切7月8日立法會最後一次大會立法，令市民無假放。 工黨李卓人話「諗一諗」，但強調一定唔會阻撓。佢話如果開小組委員會討論，點都會提一提要爭取12日勞工假增加5日，同公眾假期睇齊。黃國健話即使要開小組委員會，都係開一次會好喇。 政府今日會就假期嘅條例草案刊憲，預料下星期三會上立法會大會首讀同二讀，之後會中止待續二讀辯論，將法案交上立法會內務委員會，如果無議員要求成立小組委員會討論，就可以交回大會三讀。
|
| |
| |
;)
