泡泡伴3D 「閃躍維港」光影匯演明重臨
[2017.08.10] 發表
【明報專訊】「閃躍維港」光影匯演又嚟喇，聽日(8月11日)至9月2日期間，每晚8點20分至晚上9點40分，每隔20分鐘，大家就會喺尖沙嘴文化中心露天廣場見到結合咗豐富燈光效果同3D投影技術嘅多感官動畫。
互動遊戲「喚醒」巨龍
「閃躍維港」光影匯演今年加插巨形充氣公仔、肥皂泡同煙霧效果，而匯演嘅動畫片將以開心活潑嘅巨龍同雞年吉祥物同遊香港為故事，片中會出現唔少香港美食，包括雞蛋仔、菠蘿油、燒賣、叉燒包同平安包等；現場仲有「喚醒巨龍」互動踏步機遊戲，大家要鬥快踏步，去「喚醒」喺水池中嘅巨型LED飛龍，啱晒一家大細去睇！
更多港聞
相關新聞
