【明報專訊】行會召集人陳智思、成員葉劉淑儀、張國鈞、廖長江，泛民立法會議員莫乃光、梁繼昌、譚文豪應邀到美國加州出席由美國非政府組織World Affairs Council主持嘅「美港交流會」(US-Hong Kong Dialogue)，美方有國務院、白宮、商務部等代表出席，正式會議今日開始。張國鈞噚日喺facebook話此行希望能向美國政界反映香港實際情况，消除針對香港嘅流言同誤解。 張國鈞喺香港時間前晚到埗，即刻觀察到當地人面對疫情態度。佢同Emily講，加州發生首宗新冠病毒死亡個案後宣布緊急狀態，不過佢由步出機場到搭的士，以至到酒店Check-in都見當地人非常輕鬆，冇人戴口罩，佢戴口罩反而擔心人哋覺得怪，但唔戴又好似好危險。 莫乃光亦喺fb交代行程，話噚日同香港民主委員會(HKDC)總監朱牧民一聚，HKDC正正喺游說美國國會通過《香港人權及民主法案》起領導作用，所以喺正式開始「美港對話」前，要向朱牧民取經，問下法案下可能實施嘅制裁等。
|
| |
| |
;)
