大姐大手記﹕林子祥朱玲玲洪金寶蕭芳芳有孫萬事足
【明報專訊】古天樂因為Cool，所以大家叫他做Mr. Cool，講到Cool，其實林子祥(阿Lam)都很Cool，不過，大姐大可以告訴大家，只要你跟阿Lam相處過，就知他得個樣Cool，其實很風趣幽默。
與Eason一家有緣
大姐大跟阿Lam說起陳奕迅(Eason)在台灣接受訪問，因不開心唱碟只賣出900張，一向情緒化的Eason即說未來休息半年，不過，Eason日前在內地出席活動又推翻自己休息停工的言論，更令人覺得Eason「神化」。從來不鍾意講人和批評人的阿Lam更「神化」，他說﹕「好奇怪，我經常遇到Eason，不單止Eason，跟他一家也很有緣，數年前我去英國，在地鐵上樓梯，有人從後拍我，然後說﹕『我係Eason阿媽。』講過好耐想見Eason媽，但都見唔到，想不到在倫敦可以遇上。幾個月前我在倫敦餐廳用膳，又有人走過來說﹕『我係Eason哥哥』。」
外孫女唔笑但精靈
阿Lam不願意講人，但講到他的外孫女就眉開眼笑。大姐大問他現在弄孫為樂，可以不問世事？他哈哈笑點頭﹕「真係好得意，唯一係個BB唔笑，不過，我個女細小時候同樣好少笑容。即使是我，你哋都話我成日唔笑。」取笑其孫女遺傳了他的Cool樣。阿Lam說﹕「我哋姓林係無乜表情，我拍戲唱歌先有表情，平時都木木獨獨，孫女唔笑，但好精靈。」
洪金寶惜到大仁燶
有孫萬事足又何止阿Lam，還有朱玲玲、洪金寶和蕭芳芳。洪金寶惜到個孫洪大仁燶，之前洪天明就話阿爸一句要見個孫，要他帶大仁長途跋涉，轉機又轉車，花上7小時去內地探父親班。
朱玲玲芳芳孫仔最愛笑
洪大仁都算Cool，不多笑，反而朱玲玲的孫仔(霍啟剛和郭晶晶兒子)就經常開懷大笑。芳芳姐歲多的外孫仔也愛笑，芳芳姐對孫子讚不絕口，說孫兒很靚仔，一時似古天樂，一時又似梁朝偉。其實BB笑與不笑，同樣可愛，是大人的開心果。
