【明報專訊】官媒中央電視台(CCTV)噚日播出一段聲稱係退出佔中學生嘅訪問，受訪女學生話自己係「被同學慫恿去(佔中)」，「後來發現大部分都沒有明確的目的，只是人云亦云」，佢仲話自己會以讀書為重，政治嘅嘢，唔可以干涉同談論太多，「香港嘅事我會關心，但係會去接受呢個現實囉」。 訪問片段畫面經過處理，睇唔到受訪者個樣，而字幕與佢講嘅內容有出入，例如女學生明明話「罷課坐喺度，影響唔大」，但央視嘅字幕就顯示「我覺得罷課坐在那(對學業)影響很大」。 網民質疑報道真確度 女學生用廣東話接受訪問，有網民聽完就話呢個女仔有口音，香港人唔會講「義務係上學」嘅句子(廣東話應該講「返學」)，懷疑佢係新移民或大陸人。Emily仲發現，旁白明明介紹呢個女仔係香港某大學嘅學生，但佢接受訪問時講到明自己「讀緊大專，以報考大學為目標」，難怪有網民質疑CCTV報道有幾真。
|
| |
| |
;){kind=small}
