【明報專訊】民主黨噚晚20周年黨慶晚宴，初步籌得360萬，雖然特首梁振英一早叫官員杯葛，一眾司局長都no show，但依然非常熱鬧，延開52席，仲有議員大合唱環節，民主派同建制派議員一齊唱《海闊天空》�儭g典場面，難怪長毛梁國雄係旁邊笑住話，「呢次CY大鑊了」。

自由黨田北俊捐款6萬蚊畀民主黨6個立法會議員合唱《海闊天空》，劉慧卿叫其他立法會議員一齊上台唱，曾鈺成就叫民主黨自己唱先，卿姐即刻話：「你唔好咁多事，呢度我主場。」劉夢熊見咁高興，加碼捐出10萬，唱得興起之餘，方剛同易志明又各捐6萬，一曲合共進帳28萬元。

民主黨黨慶籌360萬

民主黨其中一個環節都好妙，就係自嘲經常「黨爭」既形象，由被指元老政治既「張李楊集團」(張文光、李永達、楊森)，「交棒」畀「區羅柴集團」(區諾軒、羅健熙、柴文瀚)。

拍賣環節玩「卿姐廚房」，卿姐出10樽「阿姐醉鴿」，每瓶籌到1萬。 馬時享亦捐出25萬要了6支紅酒Petrus1994；又拍賣何永祥等名畫家�鴽@品；胡志偉唱《天蠶變》同何俊仁舞劍，又籌到3萬。噚晚黨慶晚宴為該黨合共籌到大約360萬。行政會議召集人林煥光、審計署長孫德基、平機會主席周一嶽，仲有多國駐港領事都有出席，包括美國駐港總領事夏千福。