新地市務總監任輔警一哥 文武皆精曾任港隊射擊隊長
[2016.04.16] 發表
【明報專訊】政府尋日宣布委任新地市務總監楊祖賜做輔警總監，接替退休嘅姚仰龍。楊sir文武都咁得，同時係射擊運動員，係港隊種子射手之一，曾經喺2008年東南亞射擊錦標賽攞過1銀3銅，做過港隊奧運射擊代表隊隊長，𠵱家係香港射擊聯合總會嘅秘書長，總會喺2013/14年度封過佢做「頭號射手」，呢位「神槍手」仲曾經為2006年徐步高開槍案做過專家證人。
58歲嘅楊祖賜1989年加入輔警，2010年升為輔警總警司，2013年獲委任為輔警副總監，警方話，楊sir具備多方面行動同管理經驗，仲分別喺2004年同14年獲頒輔警長期服務獎章同第一勳扣。
更多港聞
民建聯租銅鑼灣廣告牌涉僭建 李慧琼話唔知情 「都係受害者」
【明報專訊】最近港獨成為熱門話題，民建聯都趁熱打鐵，一個禮拜前喺銅鑼灣希慎廣場對開掛起巨型廣告牌，寫住「要本土、不要分離」嘅標語，一邊係港島... 詳情
【明報專訊】相信唔少讀者都有睇過金庸（查良鏞）嘅武俠小說，由佢筆下創作嘅《射鵰英雄傳》、《神鵰俠侶》、《倚天屠龍記》、《鹿鼎記》等全部都膾炙...
詳情
相關新聞
