財庫局落中西區 陳浩濂「返娘家」
[2018.03.17] 發表
【明報專訊】財經事務及庫務局長劉怡翔噚日同副局長陳浩濂(Joseph)去中西區，參觀街市同共享工作空間，又與區議員交流。Joseph話自己「返娘家」，皆因佢去年加入政府前，做咗6年中西區山頂區區議員，唔知今次重返區會同去街市等議員落區熱點，會唔會重拾區議員嘅感覺呢？
除咗政府出稿，Joseph亦喺fb寫吓感受，佢話同局長先去士美菲路街市同商戶交流，討論營商環境同電子支付應用，隨後到上環共享工作空間Naked Hub了解初創及中小企發展情况；最後就去區議會會議室同「舊同事」見面。
Joseph話感覺「返了娘家」，以前喺區會代表市民向官員提問，噚日角色就調換，代表政府答議員提問，見返舊同事，Joseph話大家對佢好熱情，輪流合照留念。
更多港聞
相關新聞
