【明報專訊】香港電台《鏗鏘集》早前報道，中聯辦透過內地公司「廣東新文化事業發展」，再間接控制三聯、中華、商務(三中商)三大書局和出版社，特首林鄭月娥前日被問到做法有冇破壞「一國兩制」，佢話中聯辦只要依法，都不應該干預。工聯會立法會議員陸頌雄噚日就喺facebook貼咗一張海報(圖)，話三聯同商務多次幫民主黨鄺俊宇搞簽書會同發布會，仲將「鄺神」嘅書放喺當眼處。陸頌雄話「以港台嘅邏輯，唔通鄺神同中聯辦……」。 鄺：質疑太低質 鄺神就同Emily講，其實三中商幫過好多人搞簽書會，反問呢啲人係咪全部都同中聯辦有勾結呢？佢話陸頌雄呢啲質疑太低質，只係為咗博有存在感。佢又用立法會比喻，雖然建制派控制咗立法會，但民主派議員有選民授權都可以當選立法會議員，而佢嘅書點解入到三中商，咪就係因為有讀者授權囉！
|
| |
| |
;){kind=small}
