【明報專訊】旅發局舊年主辦香港電競音樂節，搞電競比賽之餘，仲搞音樂會，搵到多隊人氣韓團EXO、Super Junior等演出。局方今年再接再厲，但音樂元素大減，音樂會變�髐p型表演。局方解釋，入標公司搵�麍P唔符合要求，就算話搵到巨星參加，都唔確認時間係咪完全可以，所以決定唔搞。

電競音樂節原定下月24至26日舉行，其中24及25日會�鰬儺]舉行音樂會。旅發局噚日公布唔搞音樂會，總幹事劉鎮漢解釋籌辦時已考慮要以電競為主、音樂為輔，公開邀請製作公司提交計劃書，審視之後，入標公司建議�嚘q手陣容唔符合旅發局預期同招標文件要求，所以就唔搞喇。

劉鎮漢話會邀請年輕人認同�麊簅t者�鷊|展場內體驗區表演，亦會加入電音元素，邀請DJ打碟，不另收費，亦盼活動未來逐步走向集中電競。

舊年音樂會收費680至1880元，7000個位爆滿。�M家唔搞音樂會，Emily關心會唔會蝕錢。劉鎮漢話雖然唔用場館要畀少少撻訂費，但舊年音樂會要花大筆製作費，�M家可慳番。