【明報專訊】噚日Emily喺警隊facebook見到有「廟街歌王」之稱嘅尹光大開金口，唱經典歌曲《少理阿爸》改編版《少理距離就咪出街》，幫手宣傳交通安全。警隊小編仲提大家：「全家Drive~Drive~Drive~冇精神就咪揸車！」 喺片長約2分45秒嘅影片入面，尹光以多個造型登場，戴爆炸頭假髮又唱又跳，又著起交通警員制服(圖)，睇落有板有眼，英氣十足！有網民大讚尹光著住件制服幾好睇，「真係成個阿sir咁」。條片出街5個鐘，就有超過1200個likes、770幾個分享，網民反應幾正面，唔少人留言話條片「好正」、「尹光好型」。 尹光首歌唱出多個交通安全規則，提醒大家切線前先打燈、避免超速、唔好試非法賽車等。Emily覺得最搞笑一幕就係尹光扮的士司機大唱「飲?酒就坐的士，冇飲酒就揸福士」，而身後兩個乘客「浪下浪下」暈晒大浪，其實係提醒各位酒後唔好揸車。
|
| |
| |
;){kind=small}
