【明報專訊】世界盃期間民建聯議員被指撐邊隊死邊隊，成為「燈神」；佢哋早前更發起網民投票，問網民想佢哋「燈」邊隊，噚日民記facebook就出post，宣布今次撐法國(圖)，仲貼出早前投票結果，61%網民希望佢哋支持法國，形容呢次「終極燈神」係眾望所歸，佢哋還「燈」於民，實現民主燈神。 網民反應好唔同，支持克羅地亞嘅網民當然好開心；亦有疑似撐法國嘅網民話，今次民建聯呢個post無議員出樣撐，相信「冇事既(嘅) 張圖冇真人得(民記)logo」。Emily聽聞，民記發起呢個投票post，短短幾日都有約1000個網民投票，成績唔錯。 另一邊廂，平日都睇開波嘅民主黨尹兆堅噚日亦喺facebook出post，估克羅地亞會捧盃，仲估上半場入球最少兩球。究竟邊個先係明燈，見報時大家都知道結果喇！
|
| |
| |
;){kind=small}
