【明報專訊】喺今年擔大旗做香港眾志主席嘅林朗彥(Ivan)，噚日喺facebook放閃，貼上同女友兼黨友黃莉莉嘅「婚照」。Ivan喺呢輯相中更反串著婚紗，明顯好有「幸福胖」嘅感覺。Ivan同Emily講，因為想紀念拍拖6周年，所以影?呢輯「婚照」。至於幾時結婚，Ivan就話「遲?先」。 被問幾時結婚 「遲?先」 Ivan喺fb放閃，話去年嘅拍拖周年紀念日，佢喺獄中度過，「淚流在相隔的玻璃窗前」；今年慶祝6周年，就決定陪女友「瘋一下」。Ivan話，呢輯「婚照」嘅意念，係來自女子組合Twins《相愛六年》封套嘅照片，「我來穿婚紗，交換去做妳」。佢笑言為咗拍呢輯相「真的是拼了」，完全係攀山涉水嘅地步，仲話日後決定真係結婚，都唔使再影結婚相喇。 Ivan引述女友話，兩人係「分不開」，指過去6年大家都學習體會「分不開」嘅可愛，「一起生活，就要誠實面對衝突，有時甚至是怨恨，但雨過天晴又是相依的我倆」。咁嘅6周年宣言，真係「閃到盲」啦。話時話，噚日Ivan出席香港眾志記者會時，黃莉莉亦在場，可見二人真係「分不開」。
|
| |
| |
;){kind=small}
