【明報專訊】近年唔少地方推行大麻合法化，引起港人熱議，原來立法會議員黃碧雲都關注呢個議題，並向立會申請蒐集資料。事緣立法會資訊研究部有名額，做由議員建議題目嘅專題研究同資料蒐研工作，議員都好踴躍，有32人提出建議，其中碧雲就關注「有關各國大麻合法化的情?，包括種植及銷售，及製造和生產含大麻成分的食品及飲料的管制情?」，唔通佢想推動大麻合法化？ 碧雲話佢反對大麻合法化，但暑假時去咗多倫多，眼見當地通過大麻合法化後開始有食物、飲品混入大麻成分，甚至可口可樂公司都有意研發大麻可樂，令唔少市民向佢反映，擔心不知情下食咗落肚、影響健康，碧雲都有憂慮，「明刀明槍(大麻)法例擋到，但mix咗入食品、飲品，可能有灰色地帶」，所以希望研究部幫手搵資料，睇吓現時有冇足夠法例規管、阻截入口，同埋海關嘅執法情?。 部分議員則提出同業界有關建議，好似飲食界張宇人關心其他地方廚餘廠嘅議題，鄉議局主席劉業強就關心填海造地，醫學界陳沛然就提出比較香港同世界大城市醫療服務。
|
| |
| |
