【明報專訊】財政預算案2月27日公布，財政司長陳茂波近期不斷「交波」叫市民提意見。佢噚日喺facebook預告，1月27日(星期日)下晝4時至5時，會透過「2019-20年度財政預算案」fb專頁玩fb live，講明「波叔親自嚟接波」，聽吓大家嘅建議。陳茂波過去無試過同網民互動，佢宣傳呢次直播都話「第一次做live有啲緊張」。 網民屆時睇live時可留言提問，又可預先喺專頁留言，財爺會真人發聲回應，佢嘅新聞秘書話具體安排稍後公布。預算案諮詢已近尾聲，財爺基本上見完政黨代表及唔同團體，搞埋網上諮詢都近農曆新年，所以佢都要埋首起草。 Emily噚晚睇，網民留言未算踴躍，有人話希望有全民1萬元現金分享計劃，有人問政府會唔會派錢，又想政府起多啲公屋。
|
| |
| |
;){kind=small}
