【Emily】陳凱欣孖梁美芬樁腳派揮春
[2020.01.13] 發表
【明報專訊】9月就係立法會選舉，建制派目前喺九龍西有4席，被認為有「人滿之患」。新春將至，建制派立法會議員都趁機會落區，同街坊見吓面、預祝新年，立法會議員陳凱欣周末亦落區派揮春，Emily發現，唔少過往屬西九新動力、曾經係立法會議員梁美芬樁腳嘅地區人士，近日都同陳凱欣一齊派揮春；唔知可唔可以見到9月選舉嘅端倪呢？
伙西九新動力成員落區
陳凱欣噚日喺fb出post，話周末馬不停蹄同各區兄弟派揮春，同佢一齊派揮春嘅包括區議員楊永杰、張景勛；同埋喺2019年區選落敗嘅林博、鄭利明同黃文港等。當中，楊永杰、林博、鄭利明都曾加入西九新動力，張景勛曾經係自由黨青年團長，其後退黨。
「都冇話特別支持邊個」
林博就同Emily講，同陳凱欣之前都有就旅遊巴停泊、重建等議題合作，話自己係開放同立法會議員合作，都有同梁美芬講鼠患，或者同民建聯鄭泳舜講交通議題，自言「都冇話特別支持邊個」。
民建聯蔣麗芸就去深水埗，同多名落選區議員舉辦「不忘初心，繼續服務」街站，派吓揮春，聽吓街坊意見，黨友鄭泳舜就到老巢南昌北落區見街坊。9月立法會選舉，睇嚟又係一場龍爭虎鬥。
更多港聞
【明報專訊】香港眾志周庭透露，獲得日本北海道大學嘅老師邀請，去年10月開始就任北海道大學公共政策大學院嘅研究員（fellow），為期一年。但...
詳情
傑出學生冀入政府改變社會 稱現班子失公信 應「除舊迎新」
【明報專訊】青苗基金主辦的「香港傑出學生選舉2018-19」昨日舉行頒獎禮，共11名中學生得獎。教育大學校董會主席馬時亨在頒獎禮致辭說，最近... 詳情
相關新聞
