【Emily】慢必收陰司紙夾艷女照
[2020.03.12] 發表
【明報專訊】立法會議員不時都會收到不知名人物寄陰司紙等去辦事處，以示不滿，最近有人寄陰司紙同溪錢畀人民力量立法會議員陳志全(慢必)，當中仲夾咗幾張性感女郎照。幫手收信、拆信嘅慢必助理蘇浩噚日喺facebook話，慢必嘅將軍澳地辦收到一封信，當中有冥鈔、剪報同性感泳衣女郎照，佢忍唔住問，「寄埋女相係咩玩法呢？拗正陳志全？」
慢必同Emily講，係咪「拗正」佢就要問寄信人，又話成日都收到溪錢同陰司紙，今次收到性感女郎照，「可能係因為有啲人覺得同志怕女人」，笑稱收到呢啲相真係「得啖笑」。慢必反而擔心衛生問題，話試過有人將「體毛體液」放入信內，現時新冠肺炎持續，佢都擔心有人會寄信發動「生化攻擊」，擔心員工安全，會提醒佢哋勤清潔。
更多港聞
【明報專訊】天主教國家葡萄牙國會2020年2月下旬通過安樂死法案，容許絕症病人在醫生輔助下自殺，有反對者示威，認為法案不能結束苦難，而是結束...
詳情
相關新聞
