【Emily】社協：反種族歧視 無政治考量
[2020.03.17] 發表
【明報專訊】社區組織協會早前要求平機會調查有食肆拒絕招待內地人涉歧視一事，唔單止令到身兼民主黨成員嘅幹事蔡耀昌畀黨內「逼宮」，社協話好多該會嘅同工亦遭受社會各方抨擊，更有涉及人身攻擊。社協噚日出聲明，強調該會係因應社會不平等同不公義嘅事情發聲，當中並無任何政治考量。
社協話該會係倡導平等權利同反歧視工作，參照國際人權公約同本地反歧視法例準則，指出社會出現涉嫌種族歧視嘅現象。對於該會同該會員工因為要求平機會調查有食肆拒絕招待內地人，而遭受謾罵同抨擊，社協話深表遺憾，仲話呢啲謾罵係同社會一直強調嘅平等、反歧視價值觀相悖。
籲包容開放態度看不同意見
社協呼籲面對不同意見時，各持份者應以包容同開放嘅態度看待。
更多港聞
規劃情報：考DSE須申報健康探熱 缺席者經評估最高5級
【明報專訊】停課延長，文憑試筆試則如期於3月27日開考，考生入試場前須交健康申報表及探熱，體溫達38℃或以上者將被拒考。教育局長楊潤雄稱，鑑... 詳情相關新聞
